上次講到小妹做完手術之後，好快就出左院了，現在在家休養中。
因為之前出現左少少醫療事故，腳踭提早左踩地（白白捱了兩星期痛⋯⋯😨） 詳情有機會都想寫返篇講一下，總之醫生現在下令要休息多四個星期，左腳踭不能踩地。過兩日假期後就要覆診了，希望到時會有好消息啦！
唯一慶幸是覆診當日拆線之後，隻腳終於開始郁得返，終於可以抱抱波子啦！只要上身不動就可以了💓💓 其實這樣只能上身用力都幾辛苦，特別是雙手和腰，不過這麼快就能抱到波子，怎樣都係值得的！
然後除左湊仔之外，就係寫返之前既post啦～
其實之前幫波子報名參加了Organic Mom的BB衫試著活動，點知拎衫果日就出事入左院～等到出院後過了幾日安頓好，終於有時間打開件衫俾波子試下！
還記得拎衫果日一拎上手，忍唔住讚嘆真係好輕身！因為Organic Mom的衣服材料是採用有全球認證的有機棉製作，所以小妹也有點期待打開之後是什麼樣子的。
然後就是⋯⋯登登登登！可愛模特兒波子登場！！
幫小朋友選擇BB衫的時候，比起款式，媽媽更在意的是用料～
大家都知BB初生時期其實好易出汗，波子都唔例外～如果出得多汗就更加會唔耐煩，仲會扭來扭去周圍擰。
現在波子就快一歲了，男孩子開始變得更加大汗。屋企環境一熱，冇幾耐就會問到有一陣味～～🙊
Organic Mom的家居服質地非常之輕身，洗完很快乾透，就算大汗也十分通爽
而且質地好有彈性，拎衫時其實發覺波子短時間又大左少少，擔心90碼會著唔落，點知衫褲都依然fit身！
<---以下是波子活動圖--->
韓國的童裝一般都會有家居服，設計和cutting都是比較輕便，專給小朋友在家時穿著～
有時有些衣服總會有少少緊，箍著小朋友的身體令他不能自由地郁動
但波子一穿上這套家居服，送在床上就到處滾動～又玩膠鴨仔，又即刻滾去角落找他的玩具和公仔～～
同其他BB衣服牌子一樣，Organic Mom的嘜頭是縫在衣服外面，而且用料好柔軟～波子在滾動時也沒有覺得唔舒服
如果有需要的話剪走個嘜頭都可以的～
而且現場在店內看到很多不同的款式，就算出街服都好輕便，款式也十分漂亮的～很適合帶小朋友去playgroup的時候穿著
所以Pencake會好返之後再去門市看看的～
最後加送波子唔小心合埋眼的NG照！！下次再見哦～😘😘
Btw 想睇下衫既媽媽可以入呢條link睇下！
